Атлетик Билбао на лето го враќа Фернандо Љоренте

Шпанскиот прволигаш Атлетик Билбао сака да го врати Фернандо Љоренте во своите редови. Робусниот напаѓач е член на Тотенхем, но не добива голема минутажа покрај Хари Кејн, а договорот му истекува на крајот од сезоната. Раководството на баскискиот клуб ќе му понуди повторно да се врати во Билбао, каде што настапуваше во периодот од 2005 до 2013 година и постигна 118 гола.

Љоренте стартуваше на седум од последните девет меча во составот на Маурисио Покетино, но само затоа што Хари Кејн беше надвор од терените поради повреда.

 

Се вчитува...