Шпанскиот прволигаш Атлетико Мадрид одлучи да ги прекине тренинзите како мерка за безбедност на фудбалерите поради ширењето на коронавирусот. Тренерот Диего Симеоне ги распушти фудбалерите и им даде „домашна задача“ да се подготвуваат секој во својот дом во наредните две недели.
Ла Лига е суспендирана до крајот на март, а потоа ќе следи и понатамошна одлука. Атлетико Мадрид го елиминираше актуелниот европски шампион Ливерпул и се пласира во четвртфиналето од Лигата на шампионите.
Претходно и Барселона одлучи да го заштити здравјето на фудбалерите со прекин на тренажниот процес, а играчите на Реал Мадрид се во домашна изолација откако членот на кошаркарската секција Трој Томпкинс се покажа позитивен на Covid-19.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
