Белгискиот интернационалец Еден Азар ќе мора да ја санира повредата на скочниот зглоб со оперативен зафат. Тој замина за Соединетите Американски Држави каде в четврток има закажана операција на глуждот. За него сезоната е завршена, а се повреди на мечот против Леванте кога се здоби со фрактура на тибијата.
Првичните проценки беа дека Азар ќе мине без хируршка интервенција, но, сепак, по дополнителните прегледи е одлучено повредата да биде санирана со оперативен зафат.
Еден Азар дојде од Челси на „Сантијаго Бернабеу“ за сума од 100 милиони евра, а во првата сезона се соочи со неколку повреди во дресот на „кралскиот клуб“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
