Баерн Минхен ја декласира Борусија Дортмунд со 5-0 на „Алијанц арена“ во големото дерби на Бундес-лигата и се искачи повторно на лидерската позиција со 64 бода, еден повеќе од „милионерите“, на шест кола до крајот на шампионатот. Тимот на Нико Новач беше доминантен и за едно полувреме стигна до убедливата предност.
Матс Хумелс во десеттата минута донесе водство за баварскиот тим, а Роберт Левандовски седум минути подоцна зголеми на 2-0. Во финишот на првиот дел погодија и Хави Мартинез и Серџ Гнабри и составот на Борусија Дортмунд доживеа класичен нокаут за 45 минути.
Баерн Минхен стигна и до петти гол, во 89.минута, а стрелец беше повторно Роберт Левандовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
