Германскиот првак Баерн Минхен ја продолжува трката по трофејот во Купот на Германија, откако по продолженија ја елиминира Херта во Берлин со 2-3. Во следната, четвртфинална рунда се и Аугсбург, Лајпциг и Шалке 04.
Херта поведе во третата минута со голот на Максимилијан Мителштат, но баварскиот тим возврати преку Серж Гнабри само четири минути подоцна.
На самиот старт од вториот дел Гнабри по вторпат стрелаше прецизно, но Херта дојде до ново израмнување во 67.минута со голот на Дејви Селке. Мечот отиде во продолженија, а победничкиот гол за Баерн Минхен го постигна Кингсли Коман во 98.минута од натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
