Најголемото изненадување до сега на ракометниот турнир на игрите во Токио, Бахраин и втор натпревар загуби во самиот финиш. По несреќниот пораз од Шведска во првото коло и овојпат Бахраинците беа минимално поразени, сега од Португалија со 25-26.
Иако имаа водство во поголемиот дел од мечот исто и како против Шведска падот во финишот и неискуството од играње на големи натпревари беше клучно за поразот на Бахраин.
Прво име во победничкиот табор беше Педро Портела со шест постигнати гола, додека недоволни за Бахраин беа осумте гола на Мохамед Ахмед кој беше најдобар стрелец на натпреварот.
Претходно денеска, Шпанија го доби дербито со Норвешка 28-27, Данска го скрши отпорот на Египет 32-27, а Франција и Германија славеа лесни победи против Бразил односно Аргентина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
