Екипата на Барнли за која настапува македонскиот интернационалец Дарко Чурлинов, го достави списокот на 25 играчи за настап во Премиерлигата. Овој список е доставен по завршувањето на преодниот рок во Англија, но Македонецот не е пријавен за настап, и тој до крајот на есенскиот дел нема да може да игра мечеви во најсилното првенство.
Чурлинов не се најде на списокот на тренерот Висент Компани, а во моментов се опоравува од сепсата која ја доби на крајот на мај, по што веднаш беше хоспитализиран во болница во Белград.
Тој не беше на последните четири репрезентативни собири токму поради сепса, а засега не е познато кога може да се очекува да се врати на теренот. Летово се шпекулираше на негов „кам-бек“ во Шалке, меѓутоа на крајот остана дел од Барнли.
Burnley have submitted their 25-man squad list to the Premier League following the closure of the summer transfer window.
Darko Churlinov misses out, but Samuel Bastien is included.#twitterclarets https://t.co/wKh91WaVaM
— Matt Scrafton (@matt_scrafton) September 13, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
