Барселона ја дели само уште една победа од пласман на Ф4 турнирот од Евролигата, откако во третиот меѓусебен дуел од четвртфиналето славеше на гостувањето против Олимпијакос во продолжението со 80-82.
Максимално неизвесен меч во кој Каталонците најпрво се извлекоа од негативата во финишот, доаѓајќи до 71-71 во последните секунди од средбата. А, потоа продолжението од пет минути Барселона го доби со 9-11 за победа за водство од 2-1 во четвртфиналната серија.
Најефикасен во победничкиот тим беше Весели со 16 поени, а Србинот Петрушев беше најдобар кај Олимпијакос со 18 постигнати поени.
И Макаби Тел Авив е на само една победа до Ф4 откако во третиот натпревар триумфираше со 85-83 против Панатинаикос, па сега води со 2-1 во серијата.
Во крајно драматичен меч израелскиот тим дојде до победата благодарение на расположениот Американец Небо кој дуелот го заврши со 22 поени и 9 скока. Нан кај Панатинаикос заврши со 25 постигнати поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
