Феран Торес е на чекор од преселба од Барселона во Пари Сен Жермен, а трансферот би требало да биде официјализиран во следните неколку дена.
Шпанскиот репрезентативец веќе постигнал договор со францускиот шампион за соработка до 2031 година, а во изминатите денови Деко и Луис Кампос ги водеа преговорите околу обесштетувањето.
Според информациите на „Марка“, Барселона и ПСЖ се договориле за трансферот, а парижаните подготвуваат понуда вредна околу 50 милиони евра.
Торес требаше да продолжи со тренинзите со Барселона утре или задутре, но поради тоа што трансферот е во завршна фаза, најверојатно ќе добие пауза. Наместо да се врати во Каталонија, неговата желба е директно да отпатува за Париз и да го комплетира трансферот.
Преселбата на „Паркот на принцовите“ може да има влијание и врз другите трансферни планови на ПСЖ. Имено, евентуалното пристигнување на Торес би можело да ги олесни преговорите со Ливерпул за Бредли Баркола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
