Фудбалерите на Барселона потешко од очекуваното се пласираа во осминафиналето на шпанскиот „Копа дел реј“ откако во неверојатно интересен меч славеа на гостувањето кај нисколигашот Интерсити со 3-4 по продолженија.
Храбрите домаќини дури двапати успеваа резултатски да се вратат во натпреварот против големиот фаворит, но немаа сила за ништо повеќе.
Каталонците поведоа со 0-1 со погодокот на Араухо уште во 4. минута. Домаќините на 1-1 израмнија преку Солдевила во 59. минута. Ново водство за гостинот донесе Дембеле во 67. минута, а седум минути подоцна домаќините повторно се вратија во игра со вториот гол на Солдевила. Барселона повторно поведе (2-3) со голот на Рафиња во 77. минута, а домаќините повторно израмнија со третиот погодок на Солдевила во 86. минута.
Сепак, во продолженијата Барселона успеа да го урне отпорот на противникот и со голот на Ансу Фати во 104. минута да стигне до конечен триумф од 3-4.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА