Фудбалерите на Барселона го победија Алавес со 6-1 во натпреварот од 11-то коло на шпанската Ла Лига. Избраниците на Ханси Флик ги отстранија дамките по „Ел Класико“ и го прегазија ривалот од Баскија.
Двојни стрелци беа Рафиња и Ламин Јамал, а гол постигнаа и Гордон и Фермин, кој имаше уште две асистенции.
Првиот гол Рафиња го постигна во осмата минута, кога го искористи додавањето на Педри. Потоа Фермин во 23. минута ја затресе мрежата од мртов агол, по додавање од Јамал, а му асистираше на Рафиња во 41. минута за 3-0.
Во првата минута од судиското продолжение на првото полувреме, Јамал погоди за 4-0.
Ламина беше и стрелец во 64. минута, а Ентони Гордон постигна речиси идентичен гол во 81. минута, на асистенција на Родри, прв откако дојде во Каталонија.
Токму, пак, грешката на Родри во 84.минута ја искористи Маријано Дијас, поранешен играч на Реал Мадрид за конечни 6-1.
Барса се врати на првото место, кое го држи со 30 бода, додека Алавес е 10-ти со 12 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
