Легендата на германскиот фудбал Марио Баслер, упати серија на критики врз играчот од средниот ред на Германија, Џошуа Кимих. После натпреварот со Украина исто така го критикуваше и селекторот Ханс Флик, за кого кажа дека „полека ја губи работата“.
Баслер го критикува Флик поради многуте експерименти, и покрај тоа што селекцијата е веќе пласирана на следното Европско првенство во кое ќе биде домаќин, и сега игра само пријателски мечеви.
„Едноставно, мислам дека играчите кога играат покрај Кимих се многу лимитирани, и тие се плашат кога тој игра. За жал, тој ќе остане во Баерн Минхен и потоа ќе морам да продолжам да го критикувам се додека конечно не го одигра она кое од него се очекува и во клубот и во репрезентацијата“, рече Баслер, кој, сепак, напомена дека Кимих е добра личност, но дека не ја работи својата работа најдобро.
Баслер смета дека Гундоган во овој момент е далеку подобар од Кимих.
„По мене Гундоган е водечки играч, затоа што многу работи дефанзивно. Неговиот фудбал е многу подобар од оној на Кимих“, напомена Баслер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
