Во рамките на 28. коло од Првата македонска фудбалска лига, Шкупи во недела на стадионот во Чаир го пречекува лидерот Вардар.
Шкупи и Вардар со меѓусебна пресметка го почнуваат четвртиот круг од шампионатот. Шкупи со секогаш активни амбиции да се стигне до позитивен резултат со шампионатот, а Вардар да ја зачува предноста од 11 бода во однос на Шкендија.
Левиот бек на „вардарци“, Бесир Демири кој во минатото го носеше и дресот на Шкупи, верува дека Вардар може да стигне до триумф на Чаир…
„Добро е познато дека одиме на победа на овој натпревар. На нов триумф во првенството со кој што ќе се зацврстиме на првата позиција на табелата и ќе ја задржиме предноста која ја стекнавме до сега. Го цениме противникот и знаеме дека нема да биде лесно, меѓутоа подготвени сме да дадеме максимум за да ги освоиме бодовите од овој натпревар. Се надевам дека со тоа ќе продолжи и нашата серија на победи. Атмосферата во екипата на Вардар е одлична, и се надевам дека тоа ќе придонесе за нови три бода и во недела“ – вели Демири во изјава за официјалната интернет страница на клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
