Германскиот стратег Томас Тухел, поранешен кормилар на Борусија Дортмунд, ќе биде нов тренер на францускиот клуб Пари Сен Жермен. Тој ќе го замени Унаи Емери по завршувањето на оваа сезона и ќе потпише двегодишен договор, открива ексклузивно „Билд“. Соработката е веќе договорена и се очекува крајот на сезоната за тој и официјално да биде претставен во јавноста.
Тухел својата кариера ја градеше во Мајнц, а потоа две сезони беше на кормилото на Борусија Дортмунд. По заминувањето од редовите на „милионерите“, неговото име неколку пати се споменуваше и како можен тренер на Баерн Минхен, но очигледно дека ПСЖ успеа прв да стигне до потписот на младиот и квалитетен фудбалски стратег.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
