Поранешниот претседател на ФИФА, Џозеф Балтер, одговори на забраната за влез во Соединетите Држави на сомалискиот судија Омар Артан да суди на натпреварите од турнирот.
Тој кажа дека ова е апсурдна одлука, и порача во иднина Мундијалот да не се одржува во земја во која се одбиваат визи за учесниците.
„Ова е неверојатно и апсурдно. Кога на една земја ѝ е доверено домаќинството на Светското првенство, постојат два свети и фундаментални принципи. Првиот е безбедноста, која земјата е должна да ја обезбеди за време на турнирот. Вториот е обезбедување влезни визи за сите службеници на ФИФА. А кој би можел да биде поофицијален од судија?“, прашува Блатер.
Потоа тој додава:
„Ако една земја одбие влез на судија, тоа е сериозен проблем, а Светското првенство не треба да се одржува таму. ФИФА ја носи главната одговорност: го напушти овој принцип, кој земјата домаќин не го почитуваше. Прекинувањето на турнирот повеќе не е можно, но она што се случува е целосно апсурдно“, рече Блатер .
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
