Српскиот кошаркар Богдан Богдановиќ го одигра својот најдобар натпревар од доаѓањето во НБА лигата, но неговата Атланта загуби од Милвоки со 122-113 во синоќешниот натпревар во најквалитетното светско кошаркарско првенство.
Богдан против Милвоки постигна 38 поени од кои дури 17 во последната четвртина. Сепак, за него тоа не е поентерски рекорд ако се знае дека во декември против Денвер запиша 40 поени, но овој пат заврши навистина со одлична целокупна партија со плус 10 скока, пет асистенции и една украдена топка.
Јанис Адетукомбо беше исто така расположен на спротивната страна со 36 поени, 16 скока и 8 асистенции. Крис Мидлтон дополни со 21 поен.
На Богдановиќ, во неговиот тим, најголема поддршка му пружи Дежонте Мареј со 20 поени и 12 асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
