Ракометната репрезентација на Македонија до 18 години го освои 9. место на Европското првенство кое што се игра во Србија, откако денеска славеа против репрезентацијата на Израел со 39-29.
Првото полувреме ни донесе фуриозна игра на двете страни. Двете репрезентации во една „ран енд ган“ игра погодуваа буквално од секоја позиција, а сето тоа доведе на пауза меѓу првиот и вториот дел да се замине со минимална предност на Израелците од 19-20.
Вториот дел избраниците на Горан Кузманоски го отворија неверојатно. Засилија во одбраната, а во нападот продолжија да го полнат голот на противникот од секоја позиција, па со серија од 6-0, во последните десет минути од мечот влегоа со позитива од 34-28. Во продолжение разликата само се зголемуваше, а нашата серија продолжи се до 57. минута кога стигнавме и до двоцифрена предност 38-28. На крајот Македонија славеше со 39-29.
Ѓоргиевски и Дамчевски со по осум гола беа најефикасни во нашиот табор, додека кај поразените Нево Месика постигна девет гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
