Брегалница е на чекор од прволигашка промоција. Штипјани уште денеска во Кочани би можеле да слават титула во второлигашката конкуренција и пласман во Првата лига, доколку триумфораат на дуелот од 24. коло против Осогово, а притоа Тиквеш ремизира или загуби на гостувањето против Кожуф.
Но, и покрај тоа, апсолутно никој во таборот на Марјан Секуловски не се оптоварува кога ќе биде реализирана крајната цел, која зависи и од резултатите на конкурентните тимови. Сите во „синиот тим“ се единствено концентрирани на што подобри изданија и победи на секој следен натпревар. Така ќе биде и на денешниот дуел против Осогово во Кочани, на кој фудбалерите на Брегалница најавуваат силна определба да се дојде до нова квалитетна престава и три бода.
Максимално ангажирано беа одработени последните тренинзи пред утрешниот дуел, низ крајно позитивна атмосфера која е и еден од клучевите за успешната сезона.
ВТОРА ЛИГА – ИСТОК (24. КОЛО, денеска, 13 ч.)
Кит Го – Каменица Саса
Кожуф – Тиквеш
Осогово – Брегалница
Плачковица – Победа
Росоман – Слога Виница
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
