Легендата на шпанскиот фудбал Чаби Алонсо од следната сезона би требало да го замени Карло Анчелоти како тренер на Реал Мадрид.
Ова е последна година од договорот за трофејниот италијански стратег, а веќе лето ќе ја преземе репрезентацијата на Бразил. Од таа гледна точка, логично е дека Реал веќе неколку месеци размислува кој би можел да го наследи тренерот кој им донесе две титули во ЛШ.
Изборот падна на Чаби Алонсо. Логичен избор од неколку причини. Баскиецот порано играше за Реал Мадрид, па е запознаен со начинот на работа на еден од најголемите светски спортски клубови.
Од друга страна, иако е тренер релативно кратко, веќе се докажа на високо ниво. Баер Леверкузен веќе има утврден идентитет, јасно се гледа работата на тренерот, а тимот од Леверкузен е најсериозниот предизвикувач на Баерн Минхен сезонава во Бундеслигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
