Челси веќе има идеја кого би можел да го доведе како замена за Енцо Фернандез, доколку аргентинскиот репрезентативец го напушти „Стемфорд Бриџ“.
Според информациите, лондонскиот клуб е заинтересиран за 22-годишниот сенегалски репрезентативец Ламин Камара од Монако. Тој е на „радарот“ како една од главните опции за пополнување на празнината во средниот ред.
Челси наводно е подготвен да го продаде Фернандез на Манчестер Сити за околу 120 милиони фунти, а дел од тие средства би биле искористени за ангажман на Камара.
Монако за својот играч бара меѓу 50 и 60 милиони фунти. Францускиот клуб неодамна одбил понуда од 35 милиони фунти од Кристал Палас, додека интерес за Сенегалецот покажува и Ливерпул.
Камара пристигна во Монако пред две години од Мец за околу 15 милиони евра и постепено се наметна како еден од клучните играчи во тимот. Минатата сезона во Лига 1 одигра 29 натпревари, на кои постигна два гола и запиша седум асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
