„Челси мора да почне да купува квалитетни играчи, а не деца…“

Легендарниот стопер Марсел Десаи отворено го предупреди својот поранешен клуб Челси дека сегашната политика за купување млади играчи мора да се промени ако клубот сака сериозен резултат.

Челси имаше забележителен успех минатата сезона под водство на Енцо Мареска. Освоени се Конференциската лига, Светското клупско првенство и место во Лигата на шампионите. Сепак, тековната сезона донесе пад на формата и отвори многу прашања за насоката во која се движи клубот.

Десаи верува дека проблемот не е само во резултатите, туку и во структурата на тимот. Како што вели тој, „им требаат искусни играчи во секоја линија“.

Французинот издвои три клучни позиции што Челси мора да ги зајакне. Поранешниот капитен на лондонскиот клуб верува дека е потребен голман со авторитет и искуство, потоа централен дефанзивец кој носи сигурност и напаѓач кој прави разлика.

Според него, сегашниот персонал има талент, но нема доволно лидери за да го одржи тимот стабилен во текот на целата сезона.

Тој особено нагласи дека играчи како Енцо Фернандез често остануваат без вистинска поддршка на теренот, што директно се одразува во падот на формата на поединците и целиот тим. Десаи ја критикуваше и долгорочната стратегија на сопствениците, посочувајќи дека имало премногу верба во развојот на младите играчи без да се балансира со искуство.

„Талентот не е доволен. Потребни ни се играчи со пет или шест години искуство во Премиерлигата“, беше јасен Французинот.

Оваа изјава доаѓа во време кога Челзи продолжува да ги следи младите и талентирани фудбалери низ целиот свет, а еден од нив е репрезентативецот на БиХ, Керим Алајбеговиќ, кого лондонскиот клуб би сакал да го потпише.

Алајбеговиќ ги воодушеви сите со своите игри во Баер, потоа во Салцбург, а исто така и во дресот на БиХ. „Фармацевтите“ го вратија од Австрија, но само прашање на време е кога ќе направат голем трансфер, додека се очекува германскиот клуб да заработи најмалку 30 милиони евра од продажбата на одличниот напаѓач.