Актуелниот шампион на Европа се соочува со непредвидени проблеми. Челси кој во претходните преодни рокови инвестираше во средината на теренот и нападот заборави на одбраната па веќе во јануари може да остане без половина стандардни првотимци.
Антонио Рудигер е се поблиску до потпис со Реал Мадрид, а во Шпанија може да завршат и Цезар Азпиликуета и Андреас Кристенсен откако за нив интерес покажа Барселона. Каталонскиот тим се соочува со финансиски проблеми па ќе цели кон ангажирање на слободни играчи, а двоецот од Челси е перфектна комбинација.
Азпиликуета носи искуство кое ќе му биде потребно на младиот каталонски состав, додека 25-годишниот Кристенсен се гледа на долгорочни стази.
А, интересот на шпанските великани е само мал дел од проблемите на Челси бидејќи тимот најверојатно до крајот на сезоната ќе остане без услугите на Бен Чилвел кој заработи повреда на предните вкрстени лигаменти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА