Џанпјеро Вентура дефинитивно нема „образ“ за да ја преземе одговорноста и да си замине од клупата на Италија, желен до крај да го одработи селекторскиот договор и да заработи уште неколку милиони без оглед на фијаското што го предизвика со непласманот на СП 2018. Дел од медиумите веднаш по неуспехот со Шведска објавија дека селекторот си заминал, но Вентура ги демантираше овие гласини истакнувајќи дека ниту еднаш не го споменал зборот „оставка“ во своите изјави по мечот на „Сан Сиро“.
Јасно е дека Вентура во најскоро време ќе добие отказ, исто како што е очигледно дека тој нема намера да си замине без да наплати отштета од 700.000 евра за предвремениот прекин на соработката.
„Јас никогаш не сум го споменал зборот оставка. Реков дека за мојата иднина ќе разговарам со претседателот на федерацијата и останувам на тоа“ – порача италијанскиот стратег.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
