Хјустон ја прекина најдолгата губитничка серија во НБА оваа сезона откако „ракетите“ по 20 порази во низа, синоќа конечно триумфирааа на дуелот против Торонто со 117-99. Мечот беше максимално израмнет во првите три четвртини, за потоа Хјустон да издоминира во последните дванаесет минути, добивајќи го овој период со 29-13 и заслужено стигнувајќи до триумфот, воедно продлабочувајќи ја кризата на Торонто, за кого ова беше деветти пораз во серија.
Тејт со 22 поени беше прв стрелец на Торонто на оваа средба, а Џон Вил стигна и до трипл-дабл за победничкиот состав, реализирајќи 19 поени, 11 скокови и 10 асистенции.
Милвоки го демолираше составот на Индијана со 140-113, победа што беше најавена со неверојатната прва четвртина во која Милвоки постигна дури 48 поени (48-26). Сепак, овој меч нема да го паметат по добро во Милвоки по повредата на коленото што ја заработи Адетокумбо, кој мораше да биде заменет уште во првата четвртина и повеќе не се врати на теренот. Холидеј со 28 и Мидлтон со 25 поени беа нјефикасни во победничкиот состав.
Мемфис по огромна битка и продолжение од пет минути го совлада Бостон со 132-126. Морант со 29 поени ги предводеше стрелците на оваа средба, додека најефикасен кај Бостон беше Браун со 27 постигнати поени.
Резултати НБА:
Кливленд – Сакраменто 105-119, Минесота – Оклахома 103-112, Сан Антонио – Шарлот 97-100, Чикаго – Јута 95-120, Хјустон – Торонто 117-99, Мемфис – Бостон 132-126 (по прод.), Милвоки – Индијана 140-113, ЛА Клиперс – Атланта 119-110.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА