Младинскиот репрезентативец на Македонија, Дарко Чурлинов доби повик за приклучување на подготовките на првиот тим на бундеслигашот Келн.
По одличната полусезона во младинската лига на Германија и постигнатите 11 погодоци, шефот на стручниот штаб на Келн, Александер Верл се одлучи да го повика 19-годишниот Чурлинов да биде дел од сениорскиот тим на подготовките во следните две недели во шпанска Мајорка.
Без сомнение, извонредна можност за дополнителен напредок на македонскиот напаѓач кој е и најмлад дебитант во националниот тим во историјата на македонскиот репрезентативен фудбал. По подготовките во Мајорка, стручниот штаб на Келн ќе одлучи и дали во пролетниот дел од шампионатот ќе се смета на Чурлинов за настапите на првиот тим во Бундеслигата.
Both Darko #Churlinov and Tomas #Ostrak will be joining the #effzeh first-team for the training camp in Mallorca! Here’s a taste of what Darko can do ?⚽️ pic.twitter.com/yHIVF7L89z
— 1. FC Cologne (@fckoeln_en) January 6, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА