Поранешниот бразилски фудбалер Дани Алвеш минува низ најтешките моменти во животот откако беше уапсен под обвинение дека силувал девојка во клуб во Барселона. Наводно, настанот се случил на крајот на 2022 година во тоалет на ноќен клуб, а Алвеш е во притвор од 20. јануари и како затвореник го чека почетокот на судењето.
Во затвор се снаоѓа најдобро што знае. Шпанскиот портал „Ел Касо“ открива дека познатиот бразилски фудбалер се договорил со затвореник кој има пристап до сите делови на затворот и на затворениците им шверцува цигари и други потреби.
Тој собира дресови од други затвореници и ги носи кај Алвеш да ги потпише, а потоа им ги враќа на затворениците. Алвеш наводно добива цигари и други подароци за автограмите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
