Домаќинот Данска со сигурна победа над Словенија од 30-23 го почна настапот на Европското ракометно првенство. Данските ракометарки во текот на целиот меч го контролираа резултатот. На полувреме заминаа со позитива од два гола 14-12, а до крај успеаја и да го зголемат водството и да стигнат до конечен триумф од 30-23.
Нолсе Ларке Педерсен со шест гола беше прво име во победничкиот табор, додека кај Словенките по пет постигнаа Наташа Лјепоја и поранешната вардарка Барбара Лазовиќ.
По првото коло во А групата Франција и Данска имаат по два бода, додека Словенија и Црна Гора се без бодови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА