Дембо Дарбо е еден од најдобрите фудбалери во македонскиот шампионат сезонава, голгетерот од Гвинеја блеска и е еден од најзаслужните што Шкупи бележи одлични игри и моментно заостанува само два бода зад лидерот Шкендија.
Пред прволигашот од Чаир утре е нов предизвик, градското дерби со екипата на Вардар, за кое Дарбо е максимално мотивиран да продолжи со серијата добри настапи.
„Вардар има силен тим, ги почитуваме исто како и сите останати ривали. Со оглед на фактот дека ова е градски дерби-дуел, јасно е дека мораме да дадеме се од себе доколку сакаме да стигнеме до победата. Во добра форма сме и јасно е дека ќе одиме на три бода и против Вардар, сакаме да го продолжиме победничкиот ритам и да останеме во игра за највисок пласман. Затоа, многу важно е утре да стигнеме до трите бода“, изјави Дарбо, кој во последните две прволигашки кола постигна пет погодоци (два со Беласица и три против Пелистер).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА