Богатото 14. коло од Првата кошаркарска лига ќе биде комплетирано денеска од 20 часот во СЦ „Јане Сандански“ каде силите ќе си ги одмерат МЗТ Скопје и Работнички.
Двата тима во овој натпревар влегуваат во сосема различно расположение. МЗТ на крилја на победата против еврокуп составот на Цедевита Олимпија, а Работнички во серијата на порази, но во дуелите на вечните ривали никогаш нема фаворт. Победата ја добива оној кој повеќе ја посакува, оној кој ќе го остави срцето на теренот за „сино-белиот“ или „црвено-белиот“ дел од Скопје.
Од таборите на двата тима најавуваат интересен натпревар без фаворит во кој ќе дадат се од себе за победа.
View this post on Instagram
View this post on Instagram
Првиот меѓусебен вечен дуел оваа сезона им припадна на кошаркарите на МЗТ Скопје кои успеаја да го освојат „Кале“, но од тогаш работите се променети. Двата тима претрпеа големи промени во ростерот па ќе биде интересно да видиме дали Работнички денеска може да слави во Аеродром или пак МЗТ Скопје ќе успее да ја одбрани својата тврдина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
