Втор ден на 26. Светско првенство во ракомет во Германија и во Данска и први вистински возбудувања на Мундијалот. Покрај секако централното наше внимание насочено кон мечот меѓу Македонија и Јапонија од 15:30 часот, не очекуваат уште девет натпревари.
Хрватска против Исланд во нашата Група Б
Репрезентацијата на поранешниот македонски селектор, Лино Червар веднаш на стартот на Светското првенство од 18 часот го чека силен тест против Исланѓаните. Хрватска е фаворит според светските ракометни аналитичари, но сето тоа ќе мора да го покаже на паркетот.
Во третиот натпревар од нашата група, Шпанија без проблеми од 20:30 часот треба да стигне до триумфот против Бахреин.
Србите против директниот конкурент за пласман во следниот круг – Русија
Од 18 часот на Мундијалот се играат четири натпревари. Покрај дуелот меѓу Хрватска и Исланд интересно ќе биде да се види како првенството ќе го отворат во меѓусебна пресметка Србија и Русија. Факт е дека Русите се фаворити, но Србите најавуваат битка без предавање до крај.
Во вториот натпревар од оваа група, пак, Франција очекува лесна победа против Бразил.
Швеѓаните и Норвежаните по лесни победи
Денот на СП ќе заврши со четири натпревари од 20:30 часот… Швеѓаните и Норвежаните се огромни фаворити во пресметките против Египет односно Тунис
Унгарците против Аргентина во Групата Д, исто така ја носат фаворитската улога…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
