Српското вечно дерби во 21. коло од АБА лигата донесе вистински спектакл во преполната „Штарк“ арена во Белград каде Партизан успеа да се радува на победа од 92-71 по неверојатен камбек од негатива од 20 поени.
Црвена Звезда на крилја на фантастичниот Факундо Кампацо доминираше во првото полувреме во кое „црвено-белите“ во неколку наврати имаа и водство од по 20 поени. Во еден момент на семафорот стоеше резултат 28-48, а од тој момент иницијативата ја превзема Партизан.
„Црно-белите“ до полувремето успеаја да намалат на 34-48, а продолжија во ист ритам и во второто полувреме. Прераниот крај на натпреварот за Кампацо поради пет лични грешки, како и отсуството на Недовиќ кој ги преседе вторите 20. минути на клупата создаде проблеми во организацијата на играта на Црвена Звезда, а мотивираните домашни кошаркари поведени од одличната атмосфера од минута во минута ја топеа негативата.
Со серијата од 5-0 во самиот финиш на третата четвртина Партизан стигна до натпревар на еден посед (63-65), а во последните десет минути не само што го превзема водството, туку успеа да стигне и до двоцифрена предност (87-75) и истата да ја задржи за голема победа.
Со 27 поени и 8 скока Лесор беше лидер на Партизан, додека него го следеше Ледеј со 17 поени и 3 скока. 21 поен и 5 асистенции за Црвена Звезда реализираше Кампацо, а 17 поени додаде Митровиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
