Ромелу Лукаку најчесто делува моќно во дуелите со противниците, но белгискиот џин настрада по еден воздушен дуел со Весли Хоет по само десетина минути игра на дуелот Манчестер јунајтед – Саутемптон.
Иако не стануваше збор за пресилен судир со главите, Лукаку по падот остана неподвижен да лежи, по што веднаш стана јасно дека проблемот воопшто не е наивен. Тоа го потврдија и медицинските лица веднаш по влегувањето на теренот до Лукаку, по што втрча и помошниот персонал носејќи носилки.
На крајот, по петминутна интервенција Белгиецот со маска за кислород на устата на носилки беше изнесен од теренот, а тишината на „Олд трафорд“ за момент се претвори во аплауз за него, со искрена желба дека повредата не е премногу сериозна.
Едно е сигурно, Лукаку ќе го пропушти наредниот премиерлигашки дуел, што требаше да претставува негово враќање на „Гудисон парк“ против поранешниот клуб Евертон, меч што е закажан за понеделник.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
