Првата ѕвезда на Филаделфија 76, Џоел Ембид продолжи со собирањето на пасоши од различни држави. Родениот Камерунец пред неколку месеци доби француско државјанство и најави дека ќе игра за таа земја на Летните олимписки игри во Париз во 2024 година.
Тој сега стана државјанин и на Соединетите Американски Држави. Како што самиот истакна клучна улога во тој процес одиграл неговиот син.
„Мојот син е Американец, а јас живеам тука и се чувствувам благословено поради тоа. Си реков на себе зошто да не“, изјави Ембид.
Ембид од 2014 година е во НБА лигата кога на драфтот беше избран токму од Филаделфија 76.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА