Ѕвездата на Јувентус, Пауло Дибала ги демантираше гласините дека е заразен од коронавирусот. Но, откри дека се уште ги чека резултатите од тестовите.
„Се појавија лажни вести дека имам Ковид-19. Тоа не е точно. Јас сум доброволно во самоизолација како и сите останатите играчи. Во следните денови ќе се знаат резултатите од тестот. Се надевам дека нема да имам коронавирус, а ако имам ќе останам во карантин“ – го започна Аргентинецот своето излагање на Инстаграм.
„Ние сме еден голем тим, не навиваме за овие или оние политички бои. Им благодарам на лекарите и медицинските лица кои ги ризикуваат своите животи и ни даваат неверојатна помош на сите нас во општеството. Затоа да останеме дома и да им помогнеме. Бидете внимателни и почитувајте ги правилата. Заедно ќе го победиме коронавирусот“ – заврши Дибала.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
