Фудбалерите на Брегот на Слоновата Коска го победија Еквадор со 1-0 (0-0) во натпреварот од првото коло од Групата Е на Светското првенство.
Натпреварот на стадионот во Филаделфија, со капацитет од 68.000 гледачи, изгледаше како да се игра во Еквадор, бидејќи трибините беа целосно обоени во жолта боја со традиционално жешката јужноамериканска атмосфера.
Тоа им даде крилја на Еквадорците, но „слоновите“ успеаја да издржат таква атмосфера и, иако без многу свои навивачи, во 90-тата минута да постигнат голема победа на отворањето на Светското првенство.
Општо земено, целиот натпревар беше полн со интензитет, ритам и динамика, а тоа донесе многу шанси на двете страни, вклучувајќи и удари кон голот.
Погодокот за победа на БСК дојде во 90. минута кога стоперот Синго мина речиси 70 метри и го послужи Дијало кој мајсторски стрелаше за победа од 1-0.
Во второто коло, Брегот на Слоновата Коска ќе игра против Германија во сабота во 22 часот во Торонто, додека истата вечер во 02 часот Еквадор ќе се сретне со Курасао во Канзас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
