Ненад Димитријевиќ одигра одличен натпревар за Уникс Казањ, предводејќи го својот тим на гостувањето против Парма со 82-89.
Уникс се мачеше во првото полувреме да ја оправда фаворитската улога, но затоа Димитријевиќ ја презеде контролата во вториот дел и го предводеше својот тим до триумф. Македонецот имаше само три поени во првото полувреме, но потоа експлодираше во завршните петнаестина минути, во кои Уникс го сврте резултатот во своја полза и стигна до победата.
Димитријевиќ на крајот реализираше 18 поени, погодувајќи две тројки од три обиди, потоа 4/8 за два и 4/4 за еден поен. Тој беше најдобар стрелец на својот тим заедно со Рејнолдс, иако одигра седум минути помалку од Американецот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
