Голманот Дин Хендерсон потпиша нов договор со Манчестер Јунајтед кој го обврзува да остане на „Олд Трафорд“ до 2025 година. Тој имаше фантастична сезона на позајмица во Шефилд Јунајтед, а менаџерот Оле Гунар Солскјер одлучи да го врати во Манчестер и му понуди продолжување на соработката за нови пет сезони.
„Среќни сме што Дин Хендерсон потпиша нов долгорочен договор со клубот. Тој имаше одлична сезона во Шефилд Јунајтед и собра огромно искуство, созраеа како фудбалер кој може да се носи со предизвиците на Премиер – лигата. Хендерсон е фантастичен млад голман со неверојатна работна етика и се подобрува секој ден. Ние имаме голема конкуренција на голманската позиција, но Хендерсон дефинитивно ќе конкурира за да биде дел од нашиот тим“, изјави Оле Гунар Солскјер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА