Реал Мадрид по 25 години пауза повторно загуби на „Паркот на принцовите“ од ПСЖ. Тогаш стрелци беа Веа и Жинола, денеска царуваше Ди Марија, како уште еден доказ дека овој тим на Зинедин Зидан е предалеку од нивото на оној што три години по ред ја освојуваше европската круна.
Доказ за фијаското е фактот дека Реал за 90 минути игра не успеа ниту еднаш да го погоди противничкиот гол, па Кејлор Навас немаше работа во пресметката со својот поранешен клуб. Осум промашени и еден блокиран удар – премалку за тим што најавува дека повторно ќе атакува на тронот на европскиот фудбал.
Ова е првпат во последните 16 години (откако оваа категорија официјално се мери) Реал Мадрид да нема ниту еден единствен удар кон противничкиот гол на меч од Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
