Кошаркарите на Денвер Нагетс ја забележаа петтата последователна победа откако го совладаа Орландо Меџик со 119- 109. Српскиот кошаркар Никола Јокиќ натпреварот го заврши со 17 поени, 16 асистенции и 9 скока.
Орландо ја контролираше ситуацијата во првиот дел од натпреварот, па на полувреме имаше предност од 65:47. Сепак, Денвер израмни во третата четвртина, за во последните 12 минути целосно да го надигра ривалот и да дојде до победата.
Во дресот на Денвер се истакна Арон Гордон, кој постигна 24 поени против поранешниот тим, со 7 скока. Џамал Мареј имаше 22 поени, Мајкл Портер додаде 20 поени и запиша 12 скока, додека Никола Јокиќ го заврши мечот со 17 поени, 9 скока и 16 асистенции.
Денвер е четврти на табелата на Западот со резултат 31-18, Орландо е 14-ти на Истокот со резултат 17-33.
16 assists.
Yes, you read that right.
The MVP, ladies and gentlemen ? pic.twitter.com/AlUdz6uwzo
— Denver Nuggets (@nuggets) April 5, 2021
Атланта хоукс го совлада Голден Стејт Вориорс со 117-111 и со тоа ја забележа третата победа во низа. Атланта ја предводеше Данило Галинари со 25 поени и 10 скока, Клинт Капела постигна 24 поени и 18 скока, а српскиот репрезентативец Богдан Богдановиќ имаше 10 поени, 3 скока и 5 асистенции.
По повредата и враќањето на теренот, Стеф Кари постигна 37 поени за Голден Стејт (12-23 од мечот), Кели Убре додаде 20 поени (9-16 од натпреварот), со 11 скока. „Јастребите“ ја заземаат четвртата позиција на Истокот со 26 победи и 24 порази, Вориорс е 10-ти на Западот со резултат 23-27.
Secured the W.#TrueToAtlanta pic.twitter.com/cTAIi871FS
— Atlanta Hawks (@ATLHawks) April 5, 2021
Резултати од останатите натпревари во НБА:
Мемфис Гризлис- Филаделфија Севентисиксерс 116: 100
Бостон Селтикс – Шарлот Хорнетс 116: 86
Њу Орлеанс Пеликанс – Хјустон Рокетс 122-115
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА