Тибо Куртоа го напушти четвртфиналето на Светското првенство против Шпанија 20 минути до крајот поради повреда, а неговото исклучување на крајот ја чинеше Белгија. Резервниот голман Сене Ламенс направи грешка што ги чинеше „Црвените ѓаволи“, а сега пристигнаа резултатите кои велат дека Куртоа воопшто нема повреда.
Белгија одигра исклучително добро против Шпанија, но при резултат 1:1 се појави проблем кој на крајот го одлучи победникот на овој натпревар.
Тибо Куртоа седна на теренот и се пожали на повреда. Тренерот Руди Гарсија одлучи да го извади од теренот и да го внесе голманот на Манчестер Јунајтед, Сене Ламенс, и тоа на крајот беше клучниот детаљ во четвртфиналето.
Ламенс прави грешка во последните моменти, испуштајќи ја топката по удар од далечина на Кубарси, а Микел Мерино постигнува гол за 2-1 и продолжување понатаму на Шпанија, додека Белгија беше во очај.
Сепак, само неколку дена по натпреварот може да има хаос. Извештаите од Мадрид велат дека Куртоа воопшто не е повреден. После овој потег многумина ќе го нападнат Руди Гарсија поради тоа што го замени во клучните моменти.
И после натпреварот Куртоа кажа дека можел да брани, но одлуката на селекторот била поинаква. Белгискиот чувар на мрежата најави пауза од една година од националниот тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
