Октомвриските квалификации донесоа сериозни проблеми за Милан откако двајца важни првотимци заработија повреди по кои ќе мора да паузираат извесен период од терените.
Кристијан Пулишиќ е најдобар стрелец во Серија А со четири гола сезонава, но американскиот офанзивец ќе мора да одмори во наредните две седмици по повредата заработена на последниот дуел за американската репрезентација. Во прв момент се чинеше дека проблемот е сериозен, деталните прегледи покажаа дека мускулот сепак не е искинат, но Пулишиќ сепак ќе мора да паузира најмалку 15 дена.
Уште посериозна е дијагнозата на Адриен Рабио откако францускиот играч за врска се здоби со незгодна повреда и ќе биде надвор од терените најмалку еден месец.
Милан моментно се наоѓа на третото место со два бода заостанување зад Наполи и Рома, а „росонерите“ викендов ги очекува дуел на домашен терен против Фиорентина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
