Шпанскиот стручњак Андони Ираола сериозно размислува за следниот чекор во својата кариера, а според Фабрицио Романо, негова желба е да го преземе Челси.
Актуелниот менаџер на Бормут веќе го најави своето заминување од клупата на крајот од сезоната, со јасна намера да остане во Премиерлигата. Токму затоа проектот на „Стемфорд бриџ“ особено го привлекува.
Лондонскиот клуб се соочува со чести промени на клупата оваа сезона. Откако го замени Лиам Росениор, кој остана нешто повеќе од три месеци, тимот моментално го води Калум Мекфарлан во улога на привремено решение. Тој ќе остане на таа позиција до крајот на сезоната, додека раководството не донесе конечна одлука за траен наследник.
Ираола се издвојува како најсериозен кандидат во моментов, откако Френк Лампард и Сеск Фабрегас ја одбија можноста да го преземат тимот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
