Кошаркарот на Филаделфија Џоел Ембид игра одлично оваа сезона, но поранешниот трет пик на драфтот верува дека навивачите на Сиксерс сакаат да го видат како заминува од франшизата.
28-годишниот Камерунец, кој поседува и француски пасош, изјави дека не е лесно да се биде во улога на лидер на тимот.
„Навивачите на Филаделфија сакаат да ме трејдаат. Се што можам да направам е да се обидам да дадам се од себе на секој натпревар. Благодарен сум што сум таму каде што сум бидејќи тоа не е лесна работа. Да беше лесно, сите ќе го правеа тоа. Кога си најдобар офанзивен играч на тимот, најдобар одбранбен играч, мора секоја вечер да бидеш на ниво. Не е лесно секоја вечер. Не можеме да бидеме совршени. Сите ние понекогаш грешиме“, изјави Ембид.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
