Ракометарите на Еурофарм Работник продолжуваат со одигрување на контролни натпревари на подготовките во Србија. Тимот на Ѓорѓе Чирковиќ оствари победа против српскиот клуб Спартак Суботица со 32-25 (16-14). Во текот на сите 60 минути есенскиот првак во Суперлигата водеше и победникот во ниту еден момент не беше доведен во прашање.
Шанса добија сите ракометари, со исклучок на Чурлевски, Кузмановски и Крстевски кои се дел од ракометната репрезентација на Македонија на Светското првенство во Германија и Данска.
Следниот пријателски натпревар на Еурофарм Работник е закажан за три дена против Динамо Панчево.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
