Арсенал продолжи со сигурните изданија откако „топчиите“ славеа со 2-0 над Брајтон во англискиот лига-куп, заокружувајќи го неверојатниот месец октомври како најдобар во историјата што го имала една премиерлигашка екипа.
Имено, Арсенал со синоќешниот триумф стана првиот тим што во еден календарски месец забележал шест победи, без притоа да прими ниту еден единствен погодок. Избраниците на Артета славеа над Вест Хем со 2-0, во Премиер-лигата беа совладани и Фулам и Палас со по 1-0, додека во ЛШ без примен гол беа совладани Олимпијакос (2-0) и Атлетико Мадрид (4-0), за фантастичниот месец да биде заокружен со победата над Брајтон во лига-купот на Англија.
Станува се појасно зошто Арсенал важи за главен фаворит за титулата во Премиер-лигата, а доколку продолжат со вакви дефанзивни изданија „топчиите“ ќе бидат се поблиску до овој голем трофеј.
6 – Arsenal in October 2025 are the first English top-flight team in history to play six games in a month and win them all without conceding a single goal. Philosophy. pic.twitter.com/PqtR5HkRdJ
— OptaJoe (@OptaJoe) October 29, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
