Рио Фердинанд беше еден од оние кои сметаа дека Јунајтед ќе доживее вистинска преродба откако минатото лето ги ангажираше Џејдон Санчо, Кристијано Роналдо и Рафаел Варан.
Од прикажаното на сите тројца, пофалби можат да се доделат само за искусниот португалски голгетер, додека останатите двајца имаа премиерни сезони за заборав во Манчестер Јунајтед и ќе мора напорно да работат за да го поправат впечатокот.
Во своето последно обраќање, Рио посебно се задржа на дефанзивецот како поранешен легендарен стопер на Јунајтед .
„Варан доживеа огромна промена, дојде од место кое функционираше како тим на највисоко ниво, опкружен со играчи кои го даваат максимумот константно, а потоа тука отиде во рикверц, се најде во ситуација во која нема функционалност. Сигурно се чувствувал како зајак кога ќе види светло од автомобил си вели што е ова. И од негова страна, мора да кажеме дека не беше играчот кој сите го очекувавме, самиот ќе ви го каже тоа. Мора да го подигне нивото, но не може сам, потребна му е помош“, изјави Рио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА