Претставници на фудбалските асоцијации се поканети на онлајн самит на 30 септември, на кој ФИФА ќе го објасни својот предлог за одржување на Светското првенство на секои две години. Исто така, ќе се смени календарот на националните тимски натпревари.
Предлогот прв го даде Арсен Венгер, поранешниот менаџер на Арсенал, кој сега работи во ФИФА како шеф задолжен за глобалниот развој. Членовите на Фудбалската асоцијација, Форумот на светските лиги, Асоцијацијата на европски клубови, како и Асоцијацијата на играчи на ФИФпро ќе бидат поканети на првиот самит, на кој ќе се разговара за одржување на Светското првенство на секои две години.
„Консензусот е дека календарот за репрезентативни натпревари има потреба од реформа и подобрување. Дискусијата ќе започне во наредните недели. Ова е една од неколкуте можности да се има отворена и конструктивна дебата на глобално и регионално ниво. Бидејќи ова е фудбалски проект, глобалните интереси на фудбалот треба да бидат на прво место. Процесот започнува со играчи и тренери од сите делови на светот“, се вели во соопштението на ФИФА.
Претседателот на УЕФА, Александар Чеферин и тренерот на Ливерпул, Јирген Клоп веќе се спротивставија на идејата да се организира Светското првенство на секои две години.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
