Селекторот на Финска, Марку Канерва не штедеше пофални зборови за македонската фудбалска репрезентација пред утрешниот меѓусебен пријателски натпревари на националната арена „Тодор Проески“ во Скопје.
Канерва потенцираше дека Македонија е силен противник која веќе ужива вистинска фудбалска почит насекаде во Европа.
„Не е никаква тајна дека Македонија е силен противник со квалитетни поединци. Оваа репрезентација на Македонија е вистинско фудбалско освежување за Европа изминативе години, по пласманот на ЕП 2020 и оние два одигра натпревари против Италија и против Португалија. Располага со одлични поединци како Барди и Елмас, и се работи за одлично физички подготвена селекција. Ја гледавме со Грузија од дуелот во септември во Тбилиси и мислам дека несреќна околност беше што загуби таму“ – истакна Канерва на прес-конференцијата во Скопје, притоа дополнувајќи:
„Ќе биде во секој случај тежон натпревар, но ние посакуваме секако да дојдеме до позитивен резултат. Јас како селектор веќе имам натпревар против Македонија во Белек во 2018 година, и тогаш беше израмнет меч. Интересно е што и двете репрезентации играа на ЕП 2020 па сега ќе биде сигурно добар натпревар“.
Еднакво е и размислувањето на играчот на Интер Мајами, Роберт Томас Тејлор.
„И јас мислам дека утрешниот меч ќе биде тежок меч за нас, но секако ќе биде и добар натпревар за полна самодоверба. И двата тима не се комплетни, па верувам дека ќе биде израмнет дуел со многу трка“ – рече Тејлор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
