Не успевајќи да постигнат барем еден гол на двете пресметки со полски Лех Познањ, фудбалерите на Пелистер демонстрираа дека не се зрели во овој момент за европски натпреварувања. Вкупниот пораз од 0-7 од Полјаците, е и резултатска потврда на сето тоа.
Иако одиграа далеку подобро од Познањ, и денеска заслужија да стигнат барем до еден погодок, „пелистерци“ сепак само статистички ќе го минат ова лето на европската сцена, без позначајно одбележување.
Но, наспроти нив, испитот и тоа како го положија нивните најверни навивачи „Чкембарите“ кои и на двата меча им сервираа безрезервна поддршка. Убаво и восхитувачки беше да се погледнат и денеска „Чкембарите“ со сета онаа поддршка кон своите фудбалери, навивање 90 минути во еден здив, и во ситуација кога на терен Пелистер имаше негатива и од три гола… Како мотив за играчите пред она што ги очекува во новата сезона во Првата лига!
[new_royalslider id=”710″]
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
