Фудбалерите на Барселона не го сакаат Кике Сетиен на местото тренер во каталонскиот клуб. Искусниот стратег кој пред само два месеци го замени Валверде на клупата на актуелниот шампион на Шпанија, сега се соочува со отказ.
Каталонското радио тврди дека играчите на Барселона се против Сетиен и се поотворено пред раководството нагласуваат дека не е дораснат да биде тренер на клуб како Барселона. Па, бараат негово заминување што поскоро.
Сетиен ни е донесе многу добро на Барса. Загубија во „Ел Класико“ со 2-0 од Реал Мадрид и тоа им е трет пораз на шест гостувања од преземањето на клупата. Барселона испадна од кралскиот Куп, а не блескаше ниту во Лигата на шампионите против Наполи, каде извлекоа 1-1 пред реваншот.
За фудбалерите проблем претставува и помошникот Едер Сарабија кој често неконтролирано се дере по играчите на тренинзите, а тоа на големите ѕвезди не им се допаѓа ниту најмалку. Факт е дека уште кратко ќе трае Сетиен во Барселона, ако се знае дека раководството секогаш го слуша гласот на соблекувалната.
? El vestidor del Barça s’està distanciant de Quique Setién i el seu cos tècnic? El @ClubMitjanit explica que alguns jugadors “no hi confien” per portar un equip d’aquestes dimensions https://t.co/JuClwBeE44 pic.twitter.com/vXZeR6cFHW
— Catalunya Ràdio (@CatalunyaRadio) March 4, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
